Gràtzia a s’avisu Tu.Li.s (L. 482/1999, art. 9 e 15 - L.R. 22/2018 – L.R. 6/2012) sa Regioni Autònoma de Sardìnnia finàntziat progetus po Sportellus linguìsticus, cursus de formatzioni, fainas culturalis e, de ocannu, Museus e Centrus de documentatzioni multimediali po amparai e avalorai sa lìngua sarda e is àteras lìnguas de minoria chi si fueddant in Sardìnnia: catalanu de s’Alighera, gadduresu, tataresu e tabarchinu.

Is benefitziàrius de su bandu funt is Entis Localis, is Càmeras de Cummèrtziu e is Aziendas Sanitàrias de Sardìnnia. Is progetus depint sighiri po tres annus e acabbai su 30 de su mesi de donniassantu de su 2027 assigurendi de mandai annantis is fainas de su progetu po totas tres annus.

Is propostas de progetu bolint presentadas po mesu de sa posta eletrònica tzertificada (PEC) a s’indiritzu pi.cultura.sarda@pec.regione.sardegna.it, compilendi tutu is mòdulus aprontaus a posta, de is 08.00 de lunis 15 de cabudanni finsas a mesudii de su 22 de cabudanni 2025. Is progetus chi ant a arribai innantis o a pustis de su tempus stabiliu no ant a essi pigaus in perunu cunsideru.

Is domandas ant a essi arregistrai cunformas a s’òrdini chi arribant, e is progetus finantziaus finas a candu nci at dinari a disponimentu.

S’avisu pùblicu e totu sa modulìstica de ndi scarrigai po presentai sa domanda funt publicaus in su giassu istitutzionali de sa Regione Autònoma de Sardìnnia e fait a ddus ligi e a ndi ddus scarrigai intrendi a 

https://www.regione.sardegna.it/notizie/pubblicato-l-avviso-tulis-tutela-lingue-sarde-proposte-dal-15-al-22-settembre